قالت الفنانة بدرية طلبة، إنها امرأة بيتوتية جدًا، وليست من رواد تطبيقات مواقع التواصل الاجتماعي.
وأوضحت طلبة خلال حوارها ببرنامج «كلام الناس» عبر قناة «إم بي سي مصر»: «أنا بيتوتية جدًا ومليش في التطبيقات ولا اللايفات، لكن صحابي قالولي إن في أبلكيشن اسمه تيك توك، ممكن نطلع عليه ونتسلى شوية، وده اللي عملته، كنت طالعة في جو عائلي وبجلابية بيت عادية، وبنتكلم ونهزر مش أكتر».
وبينت أن الأمر الذي سبب غضبها هو الشتائم التي وُجّهت إليها وإلى الفنانة وفاء عامر خلال بث مباشر، مبينة: «حد شتمني وشتم زميلتي وصديقتي وفاء عامر، وأنا رديت طبيعي جدًا، لكن لما قلت جملة (إحنا أسياد البلد) كنت بوجّه الكلام للناس اللي شتموني مش لكل الناس».
وأكدت على أن حديثها اختزل بشكل ظالم وجرى تفسيره على غير معناه، مضيفة: «أنا عمري ما أتكلم عن الناس العامة أو أوجّه كلام جارح لهم. وعمري ما أعمل مشاكل مع حد، وباخد على قفايا وبكون راضية، وبقول لعامل البوفيه شكرًا ولو سمحت، وعمري ما أغلط في الشعب المصري».
وأشارت إلى أنها فوجئت بمن يهاجمها ويتهمها بأشياء غريبة، منها «تجارة الأعضاء» أو «قتل زوجها»، موضحة: «حقي مش هسيبه بعد ما اتهموني بقتل زوجي».
وردت طلبة على هاشتاج مقاطعة بدرية طلبة قائلة: «هو انا مياه غازية أو مياه معدنية هتقاطعوها. أنا الجوكر بتاعت الشغلانة واللي بيجيبوني علشان أقوم بأدوار تعيش العمر. مش هعتزل وقاعدة على قلوبكم».
<!– support is available since 1.9.1 –>
<!–
–>
